BLAIR VIPER TORO
NATULOG ako ng umaga, paggising ko, umaga pa rin. ‘Yon pala, ang haba-haba ng tulog ko at naabutan na ako ng sikat ng araw. Ala sais ako nagising. Naka-abang na pala si Chadler pati ‘yong doktor sa ‘kin sa labas ng kuwarto at nasa meeting pa raw si Regis doon sa office nitong mans’yon.
May kasama pa palang mga nurse ‘yong doktor. Pinasok nila ang mga aparato na hindi ko alam. ‘Yon pala, magpapa-xray pala ako at ang resulta, wala namang nakita kung nagkalamat ang mga buto ko. Sinuri rin ang sugat ko sa ulo bago nilinisan. Naka-tikom na ang sugat ko roon at hindi na kinakailangang tahiin. Ayaw ko rin na itahi, masakit kaya.
Matapos ang halos dalawang oras, gusto ko nang umuwi sa farm kaya nagpahatid na ako kay Chadler pero pagdating doon, lalo na sa servant’s apartment z
