BLAIR VIPER TORO
BUONG mag-damag kong yakap-yakap si Brion.
Hindi ako umalis sa silid na ‘yon.
Kahit ilang beses nang nakiusap si Mang Pablo, pati na rin ang mag-ari nitong gusali na kinaikailangan ko nang bitawan ang kapatid ko pero wala akong pinakinggan.
Kinakausap ko si Brion.
Kinukuwento ko ‘yong mga panahong hindi pa s’ya nagaaral na sinasamahan pa ako sa ulingan para tulungan ako at isa 'yon na paulit ulit naming napagkukuwentuhan noon na ang sarap lang balikan.
Ang daming mga ala-ala na bumalik sa utak ko at pakiramdam ko, parang nandoon ako, kasama si Brion.
Kahit yakap-yakap ko ang malamig n’yang katawan, hindi pa rin ako naniniwalang... wala na s'ya.
Puro hirap pa lang ang pinagdaanan namin ni Brion, hindi ko matanggap na kukunin s’ya sa ‘kin na hindi pa n’ya nar
