NAGING emosyonal si Natalya sa muling pagkikita nila ng kanyang ama. Umiiyak pa rin siya pagdating sa kuwarto ni Erron. Wala na ang kanyang ama, iniwan na silang mag-ina. Kompirmado nang isa nang bampira ang papa niya. Ang mas masakit pa nito, ayaw nang bumalik ng ginoo sa kanila.
Malaking dagok saka kanya ang natuklasan at hindi niya alam kung paano ipapaliwanag sa kanyang ina ang tungkol sa papa niya. Mabuti na lang nariyan si Erron at pinakakalma siya. Samantalang lalong hinigpitan ni Erron ang seguridad niya.
Kinabukasan pagpasok ni Natalya sa istasyon nila ay may dalawang bangkay na nakasalang sa autopsy. Nauna na sa kanya si Paul.
“Kauuwi lang ni Harold,” sabi nito habang may tinitingnan sa microscope.
“Ha? Bakit inabot siya ng umaga?” gulat na tanong niya.
“May tinapos siyang
