LINGGO ng gabi ay sumama si Natalya kay Erron sa bahay ng pinsan nitong si Dario at asawa ni Martina. Kinakabahan siya dahil iyon ang unang beses na makikita niya nang personal ang founder ng sangre organization.
Namangha siya sa napaka-classy na mansiyon ng mag-asawang Rivas. Mainit ang pagsalubong sa kanila ni Martina pati ng panganay nitong si Devey. Nagpahanda pa ng masarap na hapunan si Martina.
Nasa CDO pa si Dario kaya naghintay pa sila. May isang oras din silang nagkuwentuhan ni Martina pagkatapos ng hapunan. Ibinahagi nito ang naging karanasan nito sa pagbubuntis. Babae ang pangalawa nitong anak at sabi nito ay gusto pa ng asawa nito ng anak pang lalaki. Ang sisipag pala ng mga ito.
Nasa lobby sila habang si Erron ay kalaro ang mga anak ni Martina sa labas. Pinapayuhan siya nit
