SIMPLE lang ang seremonya ng kasal na gusto ni Natalya pero nasurpresa siya nang pagdating nila sa Harley’s resort ay nakahanda na ang ballroom. Ang bonga ng pagkakaayos ng pasilidad at imbitado ang mga kasama ni Erron sa organisasyon. Mayroon pa silang five-layer cake.
Kaya pala ang bongga, nakialam ang mama niya sa rush na plano. Katunayan, ang simpleng damit na suot niya bago ang seremonya ng kasal ay pinapalitan nito ng binili nitong simpleng trahe de buda. Nakakahiya raw kay Erron na naka-amerikana, ‘tapos siya ay parang mamamalengke lang.
Nag-hire pa ng orchestra and band si Erron at siyempre, sagot ng kuya nito ang catering. Light pink ang motif pati table cloths at seat cover na talagang inayusan. Kung tutuusin kayang mag-accommodate ng isang libo katao ang ballroom pero ang mga
