MABUTI na lang naroon sa resort ang kapatid ni Erron na si Serron. Tila balewala lang rito ang sumbong niya na nawalan ng malay si Erron. Ayaw pa nitong silipin ang kapatid. Nasa lobby lang naman ito ng gusali.
“Don’t worry, hindi siya mamamatay,” sabi pa nito.
“What? He’s pale, what he needs?” tanong niya.
“He need blood. Pinilit kasi niyang huwag uminom ng dugo ng tao kaya siya nanghihina,” anito.
Bumuga siya ng hangin. “Baliw talaga siya. Saan ba makakakuha ng dugo? May stock ba kayo rito?” aniya.
“Wala, sa CDO lang meron.”
“Paano ‘yan? Hindi siya magigising,” balisang sabi niya.
“Patakan mo kahit kaunting dugo ang bibig niya para magkamalay siya. Pagkatapos ay pakainin mo siya ng sariwang karne ng hayop.”
Napangiwi siya. Naiinis siya. Parang walang pakialam si Serron sa kapatid
