KASAMA ni Natalya si Harold na hinanap ang address ni Melchior Ocampo, na siyang huling nakasama umano ng Papa niya. Lulan ng kotse ni Harold ay pumasok sila sa makitid na kalye sa may coastal area. Malalayo na ang agwat ng mga bahay roon. May nagturo sa kanila sa mismong address.
Huminto sila sa tapat ng dalawang palapag na bahay at may mataas na pader. Naliligiran ng malalagong halaman ang bahay ngunit tila walang nakatira. Gumagapang na ang mga damo sa pader at tambak ang mga tuyong dahon sa labas ng gate.
Bumaba sila at lumapit sa gate. Alas-dos na ng hapon. Pinindot niya ang door bell ngunit tila hindi gumagana.
“Baka wala nang nakatira rito,” sabi ni Harold.
“Pero sabi nang ginang na napagtanungan natin, sa tuwing gabi ay may nakikita siyang mga sasakyan na nakaparada sa tapat n
