MAY isang oras nang nakahiga sa sofa si Natalya pero hindi pa rin siya makatulog. Bumangon siya at sumilip sa kanyang kuwarto upang tingnan kung naroon pa si Erron. Nang wala na ito ay pumasok siya at humiga sa kanyang kama. Subalit lalo lamang siyang hindi makatulog. Iniisip kasi niya kung paano nakalabas si Erron. Sarado ang mga bintana at hindi naman niya ito napansing dumaan sa sala.
Oo nga pala, bampira si Erron, baka ika niya’y nag-anyong paniki ito at dumaan sa maliit na butas. Napasabunot siya sa sariling buhok nang gupuin siya ng iritasyon. Hindi na niya makuha ang kanyang tulog. Pasado ala-una na ng madaling araw.
Hindi makapag-focus sa trabaho si Natalya dahil sa tindi ng antok. Tatlong oras lang ang naitulog niya. Nang magising siya ng alas-siyete ng umaga ay hindi na siya na
