Nagtawanan sina Gail at Lindsey sa sinabi ng huli na agad namang kinabusangot lalo ni Dinky.
"Ayaw niyo noon, kitang-kita ang aking kaseksihan, para naman ma-flex ang ginawa kong pagpapapayat," saad ni Dinky na mas lalong kinatawa ng dalawa. "Hay naku, nakakainis na ang mga tawa niyong dalawa," gagad pa nito dahilan upang mapatigil silang dalawa.
"Sus, hindi ka naman mabiro, beshy, masaya lang kami dahil finally ay ikakasal ka na," mabilis na turan ni Gail sa kaibigan bago ito magtampo.
"Yes, that's true at maswerte ka kasi hindi pa ganoon kalaki itong tiyan ko para naman matulungan pa kita," dagdag na saad ni Lindsey. "Natuwa lang kami dahil mukhang hindi ka papakabog," natutuwa pang saad.
"Of course, kasal ko 'yon at once for a full time lang mangyayari," bulalas nito na kinakamot na
