Magluluto sana ang magkakaibigan pero naisip na lamang nilang magpabili sa mga partners nila ng makakain tutal ay tiyak nilang magkakasama ang tatlo at para kung may balak ang mga itong mag-boys night out ay hindi nila magawa.
"Magluto na lang kaya tayo para may makain na sila pag-uwi nila," turan ni Gail dahil tiyak na pagod ang kanyang asawa lalo pa ngayong kita niya ang pagpupursige nitong tuluyan ang lolo nito sa kanilang kompanya.
"Nope, kilala ko na sila, kapag nagkakasama ang tatlong 'yon, kung anu-ano ang naiisip na gagawin kaya mainam na simulan mo nang i-text si Liam at magpabili ka ng kung ano ang gusto mo," turan ni Lindsey kay Gail.
"Bakit pa ite-text kung pwede namang tawagan. Bakit hindi na lang tayo sabay-sabay na tumawag para magkaalaman na kung magkakasama nga ang tatl
