Malakas na ingay ng umalingawngaw sa buong kabahayan ng mga Herbosa. Lahat ay napasugod sa silid ng mag-asawang Liam at Gail, maging si Dinky na tulog na tulog pa ay nagising sa ingay.
"Honey, saan naman ako kukuha ng pineapple sa ganitong oras, it's too early," palatak na paliwanag ni Liam sa asawang si Gail.
"I don't care, basta gusto ko ng pinya. Dalhan niyo ako ng pinya ngayon din," nakapamaywang na utos sa kanyang asawa.
"Ano bang nangyayari sa inyong mag-asawa?" tanong ni Manang Lourdes na siyang naunang dumulog sa kanila.
"Manang, ito kasing si Gail, gusto ng pinya. Noong nagpabili noong nakaraan, nahirapan na akong humanap kasi hindi nga season ng pinya tapos ngayon naghahanap na naman ng pinya. Alas-dies pa ang bukas ng supermarket," eksplika ni Liam sa matanda.
"Hija, pwede
