Maayos at walang pangamba sa buhay nilang lahat, kahit papaano ay nananatili silang alerto para sa kanilang kaligtasan lalo pa at wala pa ring malinaw kung sino talaga ang may pakanan ng pagbabanta sa buhay ng maglolo at silang nasa loob ng mansiyon ng mga Herbosa.
"Papasok ka na ba sa opisina?" tanong ni Gail nang makitang nagbibihis ang asawa.
"Oo, kailangan kong tulungan si lolo sa pamamahala sa negosyo namin, mabuti na rin iyong habang nandito siya ay matutunan kong mabuti ang lahat ng pasikot-sikot ng aming negosyo," mahabang paliwang ni Liam sa asawa na kinangiti naman ni Gail.
Mabilis na tumayo si Gail sa kinahihigaan upang mag-imis na rin. Kahit naman kasal na sila nito ay kailangan niya pa rin itong ihatid sa kanilang opisina.
"O, bakit tumayo ka na, kailangan mong magpahinga,
