NAPANSIN ni Liam ang pag-iisa ng kaibigang si Chris sa madilim na bahaging iyon ng pinagdarausan ng kasiyahan. Ilang sandali rin niyang pinagmasdan ito, marahil ay inuubos lamang nito ang sigarilyo bago pumasok.
Pupuntahan sana ito nang biglang may dalawang babaeng nagmamadaling sumugod sa kinaroroonan nito, hindi tuloy siya nakagalaw sa kanyang kinaroroonan. Nang mapagsino ang dalawa ay nakitang ang magkaibigang sina Dinky at Gail. Mas lalong napamaang nang biglang balyahin ni Dinky ang fiancee at saktong sa puwetan pa ng kaibigang si Chris ito tumama.
Hawak-hawak na ng kasintahan ang puwetan ng kaibigan at hindi malaman kung ano ang sinagawa ng magkaibigan.
Awtomatikong kumunot ang noo ni Liam sa ginawa ni Dinky nang maya-maya ay nakita ang ginawa ng kasintahan. Hawak na nito ang wall
