Saktong nakabihis na si Gail nang lumabas ang asawa mula sa banyo, pag-ingit pa lamang ng pinto ng banyo ay napalingon siya at doon ay kitang-kita ang asawang nakatapis lamang ng tuwalya sa baywang. Mamasa-masa pa ang itaas na katawan nito.
"Ready?" maya-maya ay untag nitong tanong.
Para bang natauhan si Gail sa pagkatigagal sa asawa, hanggang sa ngayon kasi ay hindi niya maiwasang mamangha sa kakisigan ng asawa.
"Ready for what?" maang na tugon kay Liam.
Mabilis na sumilay ang ngiti sa labi ng asawa, nang maalala ang kanyang tanong ay doon niya napagtanto kung bakit ganoon na lamang ang ngiti nito. Agad na hinampas ang braso nito nang makalapit ito sa kanya.
"Bilisan mong magbihis at nagugutom na ako, ah," kunwari ay inis sa asawa pero sa totoo lang ay kinikilig pa rin siya. "At si
