Nang makapasok si Aling Guada sa loob ng banyo ay nakahinga ng maluwag ang lahat. Mabilis na nilapitan ni Dinky ang kanyang kaibigan.
"Akala ko kung ano nang ginagawa ninyong dalawa, teka lang bakz, bakit may sugat ka?" maang na tanong kay Gail.
"Hindi ko alam kung bakit may ganyan dito, siguro ay may nabasag at hindi masyadong nalinisan," sapantaha na lamang ni Gail.
"Kaya mo pa bang lumusong sa ilog niyan?" tanong ni Dinky.
"Pwede naman siguro, sabi nga nila mainam daw ang dagat sa mga may sugat o hiwa, hindi ba?" untag ni Gail kay Lindsey.
"Well, they say so, pero sure ka bang kaya mong iapak?" concern na tanong nito.
"Oo naman, konti lang naman," nakangiting bulong ni Gail sa kanila upang hindi marinig ni Liam na noon ay nagpatiuna nang lumabas. Marahil ay nahiya dahil lahat sila
