Kahit papaano ay naging maayos naman ang lahat nang makaalis ang grupo nila Glydel sa resort. Naging payapa ang lahat lalo na si Gail na noon ay hindi talaga maganda ang pakiramdam sa babaeng iyon.
"Honey, galit ka pa rin ba?" untag na tanong ni Liam sa kanya nang nasa gilid na sila ng beach.
"Hindi," madiing turan kaya hindi kumbinsido si Liam sa kanyang sinabi.
"Galit ka pa yata, eh," giit ni Liam na pangungulit sa kasintahan.
"Hindi na nga," kunot ang noo na turan naman ni Gail. Hihirit pa sana ang kasintahan nang agad niya itong barahin. "Sige, magsasalita ka pa at maiinis na talaga ako sa 'yo," aniya na kinatigil nito.
Hindi na nga nakapagsalita pa si Liam at nanahimik na lamang dahil baka mas lalong tutuhanin ni Gail ang inis nito sa kanya.
Isang buntonghininga ang pinakawalan
