Hingal na hingal na sina Lindsey at Gail, halos mahulas na rin ang kanilang mga make-up sa pawis nang matanaw nila ang simbahan. Halos mapatalon pa sila sa tuwa nang tuluyang makita ang bungad ng simbahan.
"Oh my God, hindi ko aakalain na maglalakad ako nang ganoong kalayo," palatak ni Lindsey habang hawak-hawak ang baywang sa bigat ng kanyang tiyan.
"Heto na siguro ang isang bagay na hindi ko makakalimutan, grabe, nagtulak na tayo ng sasakyan, humarang ng motorsiklo at naglakad ng napakalayo," bulalas rin ni Gail. "Sa wakas nakarating din tayo," dagdag pang bulalas nang mapansing nagsisimulang lumabas na mula sa simbahan ang mga tao.
Awtomatikong nagtinginan sina Lindsey at Gail sa isa't isa saka napatingin sa hawak nilang cell phone, halos isang oras na pala silang na-stranded sa bulo
