Abala ang lahat sa mansiyon ng mga Herbosa, si Don Julio ay hindi mapakali sa kanyang kinauupuan. Dahil sa kanyang tama at pagkakabaril sa kanya ay nalimitahan ang kanyang kilos lalo pa at hindi pa tuluyang naghihilom ang sugat.
"Honeybunch, ayos ka lang ba dito? Pasensiya ka na at medyo abala kami nina Guada at Lourdes sa kusina," turan ni Minda na palapit sa kanyang kinauupuan.
Agad namang ngumiti si Don Julio. "I understand, ayos lang ako dito," magiliw namang turan dito.
"May kailangan ka ba? Sabihin mo lang sa akin," dagdag pang tanong ni Minda bago muling bumalik sa kusina.
"Naku, ang sweet naman ng honeybunch ko pero wala na akong kailangan, dahil nandito ka na sa buhay ko," lambing na turan ng don dahilan upang kiligin naman si Minda.
"Sus! Nabaril ka lang naging cornick ka na
