Bago magbyahe ay naisipan munang mamili ni Crisma sa isang mall malapit sa bahay ng kanyang Ate Juliet, bibili siya ng mga ipapasalubong niya sa mga magulang niya at kapatid niya saka pati na rin sa mga kamag-anak niya roon sa Pampanga.
"Paalis ka na ba?" tanong ng Ate Juliet niya sa cell phone. Tinawagan niya ito para magpaalam, bitbit na niya ang mga paper bag na kinalalagyan ng mga binili niya. Mga damit iyon at kung anu-ano pa.
"Opo, Ate," sagot niya. "One week ako roon, Ate, ha?"
"Sure, Crisma. Pagbalik mo saka rin natin pag-isipan kung anong gagawin natin para makapag-bonding din tayo."
"Sige po, Ate. Gomawo!" Salamat ang ibig sabihin ng gomawo. Salita sa Korea. Hindi niya maiwasan dahil nasanay na siya roon.
"Sige ingat ka. Call me if andoon ka na, ha?"
"Opo." At binaba na niy
