ALAS NUWEBE na ng gabi ay hindi pa rin umuuwi si Angelica. Hindi nakatiis si Wallace at umalis siya ng bahay upang puntahan sa istasyon ng mga ito ang kaniyang asawa. Ngunit pagdating niya sa istasyon ay wala na si Angelica, umalis na raw ayon sa naka-duty na pulis.
Magkahalong inis at pag-aalala ang nararamdaman niya dahil ni isang text niya ay hindi sinasagot ng kaniyang asawa. Wala rin ito sa bahay ng parents nito nang puntahan niya. Naalis na niya ang surveillance application sa kaniyang cellphone at nailipat sa laptop kaso nag-hang ang laptop kaya hindi niya mabuksan.
Obligado siyang linisin ang applications sa cellphone niya dahil binubuksan na ito ni Angelica. Wala namang problema sa hacking system dahil sa laptop niya ang main access.
Pagdating sa kaniyang bahay ay naroon na si
