Kabanata 41
Luna POV
Maganang kumain si Lance kaya hindi mawala ang ngiti sa mga labi ko. Masaya ako na nakikita kong magana ng kumain ang kapatid ko ngayon. Sa loob ng ilang linggong pamamalagi n’ya sa ospital, nagpapasalamat ako na malakas na s’ya ngayon at ligtas na rin. Hanggang ngayon ay wala pa kaming balita tungkol sa nakasagasa sa kanya at hindi ko alam kung saan namin hahanapin ang tao na ‘yon. Dapat lang na pagbayaran n’ya ang ginawa niya sa kapatid ko dahil kung hindi n’ya ginawa ‘yon o kung tinulungan man lang n’ya sana ang kapatid ko hindi matitigil sa pag-aaral si Lance at baka nga graduate na s’ya ngayon.
“Ate kumain ka na,” sabi ni Lance sa’kin kaya napaayos ako ng upo.
“Oo nga Luna kanina ka pa nakatitig kay Lance at hindi mo ginagalaw ang pagkain mo,” sabi naman ni
