ALEXIA POV.
KAHIT halos isang buwan na ang lumipas, nang mangyari ang pagkalaglag ng baby ko. Hindi pa rin ako tuluyang nakababangon mula sa pagkamatay ng hindi pa man lang isinilang na sanggol. Sa tuwing nag-iisa ako, paulit-ulit na bumabalik sa aking alaala ang mga nangyari, hanggang sa matagpuan ko na lamang ang sarili kong tahimik na umiiyak.
Sa mga sandaling iyon, tanging paghihinagpis ang bumabalot sa aking puso para sa munting anghel na hindi man lang nasilayan ang mundo ay agad na binawi sa akin ng Diyos. Ayaw ko Siyang sisihin, sapagkat kasalanan iyon, ngunit hindi ko maikakaila ang sakit. Sana’y hindi na lamang Niya ako hinayaang mabuntis kung kukunin din Niya agad ang aking anak.
Upang kahit papaano’y malibang ang sarili, lumabas ako ng bahay at nagmaneho. Mabagal ang takbo n
