ELLEN POV.
WALA akong nagawa kundi umatras, habang ang aking dibdib ay tila binabayo sa sobrang lakas ng kabog. Ano ang balak niyang gawin sa akin? At bakit siya nagpunta rito?
“Ano ba talaga ang totoo? Bakit gusto mong umalis sa trabaho mo?” salubong-kilay na tanong ni Argus.
“K-kailangan ko po ng dalawang trabaho para makabayad sa mga hinuhulugan ko,” nauutal kong sagot. “M-marami po akong bayarin… h-hindi po sapat ang sahod ko sa isang trabaho lamang. Sana po ay maintindihan ninyo ako, Boss Argus Emanuel.” Hindi ko magawang tumingin sa kanya; sobra ang hiya na nararamdaman ko sa mga sandaling iyon.
“Magkano ang kailangan mo buwan-buwan?” muling tanong ni Argus. Mas mahinahon na ang kanyang tinig, hindi gaya kanina.
“P-pangbayad po sa mansion, penthouse, at sasakyan… kaya kailangan
