Ngumiti naman si Mang Pedring sa akin. “Pasa-saan pa’t magiging Nurse ka rin,” panghihimok n’ya saka tuluyang lumabas ng kwarto. Sinisilip-silip lang kami ni Mang Pedring mula sa labas ng pinto ng kwarto.
Nilingon ko s’yang muli at ngumiti na lang saka ko ibinaling ang atensyon ko sa anak n’yang si Martha na huminto na sa pagtutupi. Ngumiti s’ya sa akin.
"Hi, Martha! Ako si CJ. Nursing student pa lang ako, ha. Okay lang bang i-check kita? Nakiusap ang tatay mo sa akin na tingnan ka," pagbati ko saka lumapit sa kanya.
“Oo naman. Sandali lang,” magiliw na tugon n’ya sa akin. Itinabi n’ya ang mga damit sa gilid ng katre.
"Pwede ko bang hawakan ang t’yan mo?" humingi ako ng permiso sa kanya. Binigyan n’ya ako ng isang malaking ngiti at tumango.
Ang unang bagay na kailangan mong gawin ay
