"Zoey, sana naman sa susunod huwag mo masyado galitin si Sir. Alam mo ba na simula ng mamatay si Ma'am Renna ay mabilis na uminit ang ulo niya. Masiyado kasi siyang naapektuhan sa pagkawala ng asawa niya. Kaya sana maintindihan mo siya," anang Yaya Sally nang lapitan siya nito.
"Yaya, humingi lang naman ako ng pabor sa kanya. At isa pa tapos na ang oras ng trabaho ko pero dahil sa anak niya ay nanatili ako."
"Naintindihan naman kita, pero ako na ang nakikiusap sa iyo. Mabait naman si Sir talaga nagbago lang siya simula noong mamatay si Ma'am Renna."
Napatango na lang si Zoey. Naisip din niya na hindi talaga biro ang mawalan ng mahal sa buhay. Alam niya ang sakit at hirap dahil nawalan na rin siya ng taong pinakamamahal niya, ang kaniyang ina.
Halos gumuho din ang mundo niya noong malam
