NAKATAYO SI BLAIRE sa balkonahe ng kuwarto niya habang nakatingala sa asul na kalangitan. Kanina pa siya rito at kanina niya pa ring iniisip kung ano na ang ginagawang aksyon ng daddy niya. For sure alam na nila dahil sa dalawang lalaki kagabi tapos iyong may humabol pa sa kanila. Thank God, hindi sila nasundan. Naging maayos ang tulog niya kanina kahit medyo puyat. Natatakot siya ngayon. Parang bumalik ang nangyari noon. Na nagtatago siya sa mommy at daddy niya dahil sa takot. Huwag sanang dumanak ng dugo ngayong tumakas na siya. Alam niyang gagawin muli nila ang lahat mahanap lang siya. Hanggat nasa pangangalaga siya ni Sergio, masasabi niyang ligtas siya. Pinaniwalaan niya ang pangako nito na poprotektahan siya kahit kanino.
"What are you doing here, Blaire? Aren't you hungry? I made a
