Ang Lihim ni Seth
AiTenshi
Aug 24, 2021
Part 14: Maligayang Sandali
Ang pagtungo ni Seth dito sa aming bayan ay nakakakilig, pakiwari ko ay para akong isang babaeng sinusuyo at pinupuntahan ng lalaking mahal niya. At habang nakatingin ako kay Seth na noon ay nakasilip sa bintana ng aking silid ay hindi pa rin ako makapaniwala na nandito siya ngayon at kasama ko na. Bukod sa aming palitan ng halik kanina ay hindi ko na alam kung paano siya kakausapin dahil nahihiya ako sa kanya. Gayon pa man, habang nakatitig ako sa kanyang mukha ay hindi ko maiwasang humanga sa kanyang taglay na kagwapuhan.
"Nakakapanibago dito sa siyudad, maingay at medyo mainit," ang wika niya.
"Ganito talaga dito, masasanay ka rin makalipas ang ilang araw," ang wika ko sabay lagay ng towels sa kanyang balikat. "Ka
