WULFRIC
Hiniram ni Ryan ang owner ng t’yuhin niya para may pagkargahan kami ng mga pinamili. Limited lang ang budget ko at talagang tiniis ko na huwag sundin ng sundin ang mga gusto ni Roselle. Nakabili na ako ng foam na six inches, crib ni Kian at dining set. Pang-dalawahan lang pero okay na ‘yon kaysa wala. Binola-bola pa ni Ryan ‘yong magtitinda para makadiscount.
“Mura na ‘yong rice cooker. Maliit lang pero dadalawa naman kayo sa apartment.”
Tiningnan ko ang natitirang pera saka nagbilang. Dalawang libo na lang at bibili sana ako ng maliit na bentilador. Pwede naman magsaing sa maliit na kaldero.
“Mura na ‘to. Ako na ang bibili. Baka mamaya ay masunog pa ang sinaing kapag si Roselle ang naiwan.”
Pabiro ko s’yang babatukan pero mabilis na nakaiwas at tatawa-tawa.
“Parang sira ‘
