Katulad ng nakaraang mga araw, nagising si Laila sa kalagitnaan ng gabi ng maramdamang wala pa rin si Darwin sa tabi niya. Hinaplos niya ang kama at mababakas doon na hindi pa humihiga doon ang asawa. Malungkot siyang nagpakawala ng buntong-hininga bago siya umupo sa kama at pinakiramdaman ang buong silid. Malungkot ang atmospera doon na tila nawalan ng buhay, ibang-iba noong mga panahong mag-kaayos pa sila ni Darwin. Noong mga panahong hindi pa nangyayari ang lahat, ang pagkawala ng baby nila. At dahil iyon sa kanyang padalus-dalos na desisyon.
Halos isang linggo na din mula ng makalabas siya ng hospital. Halos isang linggo rin siyang nanatili doon bago siya i-discharged at simula noon hindi na niya nakausap ng maayos si Darwin. Alam na rin ng magulang niya ang nangyari sa kanya maging n
