AYAW sanang sumama ni Seth sa family reunion ng mga Del Valle pero hindi siya tinantanan ni Sister Feliz, ang madre na tiyahin ni Terrence. Kapag naroon ito sa Tarlac ay sa bahay ito ni Terrence naglalagi. Si Ashley ang pinilit nito na sumama sila. Hindi naman nakatanggi ang kanyang asawa.
Napalapit na rin siya kay Sister Feliz kahit noong bata pa siya. Palagi silang isinasama nito ni Terrence sa kombento. Ang diablo niyang pinsan ay allergic sa tiyahin nito. Si Sister Feliz ang bunsong kapatid ng Daddy ni Terrence at nag-iisang babae pero pinili pang magsilbi sa May Kapal kaysa mag-asawa. May edad na ito pero walang kupas ang ganda. Nag-aagaw ang dugong kastila at hapon sa mukha nito.
Gaganapin sa Clark Pampanga ang reunion, sa may rest house ng mga Del Valle. Taunan ginagawa ni Sister
