Kabanata 44:
“Johnson! Ano ka ba naman?!” bulyaw ni Archer nang mapansin ang panlalata nito.
Naiinis na sa kanya si Archer, paano ba naman kasi, parang hindi siniseryoso ang pagsasanay na laban nilang dalawa. Tulala ito at basta na lamang hampas nang hampas ng hawak niyang espada, ni walang direksyon! Sino ba naman ang hindi maiinis?
“S-sorry. . .” hinging pasensya naman ni Johnson.
Napahilot sa sentido si Archer. Alam niyang broken-hearted itong si Johnson lalo na’t kasalanan din naman nila ni Ulysses, pinag-trip-an pa talaga nila. Pero, hindi naman pwedeng ganito kaapektado si Johnson kung sakaling totoong laban na.
“Brenda, pwede ka bang lumabas muna?” pakiusap ni Archer, nilingon niya si Brenda.
Sumibol naman ang pagtataka sa ekspresyon ni Brenda, nakapagtataka na gusto siya nito
