Kabanata 39:
Saktong pagtama ng bato sa noo ng kawal ay ang pagkaduling nito, kasunod ng pagbagsak sa sahig. Napangiwi na lamang si Archer dahil hindi niya inaasahan na ganoon lang kadaling pabagsakin ang kawal na ito. Nang masigurong wala na talaga itong malay, nagpatuloy na siya sa paglalakad upang hanapin si Johnson.
Sa parte kung saan siya napunta, naroon ang kainan. Nakakatakot ang itsura ng hapagkainan nila. May mga bungo ang lamesa, madilim ang paligid at tanging mga kandila lamang ang nagsisilbing liwanag. Napaisip tuloy si Archer, paano kaya nila nakikita ang kinakain nila? Kapaan na lang? Bakit hindi na lang ilaw?
Imbes na mag-isip pa ng sagot sa mga tanong niya’y minabuti na lamang niyang magpatuloy. Sumunod na napuntahan niya ay ang kwartong puno ng mga boteng may lamang iba
