*** CIAN'S POV ***
'Ma, hindi muna ako makakauwi riyan ngayon. Dumiretso na lang ako rito sa resort upang silipin ang lugar. May reunion kasi kami bukas kaya kailangan ko nang maghanda rito para makapag-set up ng maaga.' Iyon ang text na isinend ko kay mama.
Totoong may reunion kami bukas ng mga kaklase ko mula elementarya hanggang high school. Ngunit sa kabilang dako ay nagsinungaling rin ako ng kaunti. Sadyang umiwas lang talaga ako sa posibilidad na baka magpunta sa bahay namin si Zach at mangulit pa sa akin. Hanggang ngayon ay 'di pa rin maiwaksi sa isipan ko ang itsura niya nang lumuhod at magmakaawa sa akin. Nahabag ng sobra ang puso ko habang pinagmasdan ang mukha niya lalo na ang kanyang mga mata na nangungusap. Kung nagtagal pa akong ilang sandali roon ay baka hindi ko na naman
