Isang maliit at pampublikong hospital ang kanyang nabungaran na pinagdalhan kay Krista. Pagpasok pa lamang nila ay napansin na kaagad niyang kulang sa pasilidad ang naturang hospital. Agad na nilapitan ng kanyang mama ang nakatuka sa information at itinanong kung saang silid naroroon si Krista. Pagkasabi ng may katandaang babae ay mabilis ang hakbang na tinungo nila iyon.
Tatlong katok ang kanyang ginawa bago pinihit ang siradura ng pinto. Nakahigang si Krista ang agad na bumulaga sa kanyang paningin. Katabi nito sa kaliwa ang ina at ama nito habang sa kanan naman ay ang doktor na nagpatuloy sa pagsasalita pagkatapos silang lingunin. Kita niya ang agarang pagliwanag ng mukha ni Krista nang makita nito ang kanyang pagdating. Inilibot niya ang paningin sa buong silid. It was just an ordi
