Nagulantang si Zach sa ipinagtapat ni Krista. Gulong-gulo ngayon ang isip niya at ayaw niyang maniwala sa sinabi ng babaeng iyon dahil una pa lamang ay batid na niyang desperada itong maangkin siya nang buo. Pero paano kung totoo nga ang sinabi ni Krista? Naalala pa naman niyang may nangyari talaga sa kanila tatlong buwan na ang nakaraan.
Napasuntok siya sa pader dahil sa labis inis sa sarili. Bakit ba kasi ngayon pa ito nangyari kung kailan bumalik na si Cian at nagkamabutihan na sila ulit? Kinabahan siya sa posibleng mangyari kung sakaling nabuntis nga niya si Krista. Nangangamba rin siyang hindi matanggap ni Cian ang buhay na kaya niyang ibigay dito dahil sa pagkakaroon niya ng anak sa labas. Ayaw sana niyang isipin pero paano kung sa pagkakamali niyang ito ay muli na naman siya
