*** KRISTA ***
“Maam, wala po talaga rito si Sir Zach,” paulit-ulit na sabi ng guard sa akin dahil sa pagpupumilit ko na pumasok sa gate ng kompanya na pag-aari ng pamilya nina Zach. Iniharang pa ng guard ang malapad at malaking katawan niya sa aking daraanan ng dahilan para maningkit ang aking mga mata at dinuro-duro ang timawang empleyado ni Zach.
Dati ay pabalik-balik lang ako sa pagpunta at pagpasok sa pribadong lugar na pag-aari ni Zach subalit isang araw ay bigla na lang akong hindi pinapasok ng mga gwardiya. Kahit anong pagwawala ang ginagawa ko ay wala pa ring silbi dahil talagang matigas sila. Sa laki ng katawan ng mga gwardiya ni Zach na nagmistula nang bouncer ay nahihirapan akong lagpasan sila. Ang nakakainis pa ay minsan umaabot na sa puntong binubuhat na nila ako pabalik s
