*** Cian ***
Nagising siyang nagtataka dahil puro puti sa paligid ang kanyang nasilayan. Ilang sandali siyang muling napapikit dahil sa pagtama ng nakasisilaw na bagay sa kanyang mga mata na nakasabit mula sa kisame.
May narinig siyang mahihinang boses ng nag-uusap sa paligid kaya muli niyang ibinuka ang kanyang mga mata at hinanap ang may-ari ng mga boses na iyon, at sumundo sa kanyang paningin ang apat na matalik niyang kaibigan na sina Dwane, Lianne, Miles at Mae. Hindi napansin ng mga ito ang kanyang paggising dahil tila seryoso ang apat na nag-uusap.
“Guys,” nanghihina at paos niyang tawag sa mga ito. Agad din namang nakapansin ang apat sa kan’ya kaya mabilis siyang pinaligiran ng mga ito.
“Sis, kumusta ka na? Ang pakiramdam mo?” Si Mae na parang naiiyak na tinitigan
