KABANATA 27:
NAKASET-UP na nga ang bonfire paglabas namin. May dalawang upuan doon na magkatabi at maliit na lamesa. May nakapatong pang champagne at goblet sa ibabaw ng lamesa. Hinawakan niya ako sa beywang para aalayan umupo.
“Akala ko marami tayo, di mo sinabi date pala ‘to.” I chuckled.
Umupo ako pagkatapos sabihin iyon. Kinilabutan ako sa ihip ng hangin dahil sobrang lamig sa labas. Dapat pala nagsuot ako ng jacket o di kaya yung may manggas para hindi ganoong malamig. Nagsisi tuloy ako kung bakit lumabas akong naka-spaghetti strap. Hindi naging sapat ang bonfire para ibsan ang lamig. Humihina din ang apoy dahil sa hangin.
Niyakap ko ang sarili. Hindi ko alam anong nakain nitong si Jacob bakit nagbonfire samantalang mahangin sa labas
