Hindi maampat ang luha ni Denver habang yakap-yakap ang wala ng buhay na si Maxine. Hindi siya makapaniwala na sa isang iglap lang mawawala na ang pinakamamahal niyang si Maxine. Nais niyang gisingin ito para sabihin dito ng paulit ulit kung gaano niya ito kamahal pero wala na. Hindi na ito kaylanman magigising pa, hindi na nito maririnig ang anumang sasabihin niya . At kaylanman hindi na niya maririnig ang maganda nitong boses. Kahit ang halakhak nitong nakakaaliw sa pandinig. Wala na, wala na ang kanyang mahal.
Parang binibiyak ang puso niya dahil sa sobrang sakit na kanyang nararamdaman.
"Manong, b- bumalik na tayo!" biglang nasambit ni Denver sa dalawang kasama.
Napatingin naman sa kanya ang dalawa. Ngunit hindi pa rin nagmemenor ang driver.
"SABI KO BUMALIK NA TAYO SA BAHAY! DI
