LUMIPAS ang mga araw, linggo, buwan, at unti-unti na nga naging halata ang paglaki ng kaniyang tiyan, lumalala pati ang kaniyang paglilihi.
Ang balak niyang pagtatrabaho sana dapat sa ospital bilang nurse pagka-gradute ay hindi na natuloy pa kahit gustong-gusto niya, dahil hindi naman siya puwedeng magtrabaho habang nagbubuntis. Kaya naisip niyang pagkatapos na lang manganak, saka niya ipagpatuloy ang mga gusto niyang gawin sa buhay.
Hindi naman siya pinabayaan ni Theron sa bawat araw, dahil palagi itong nakakalalay sa kaniya sa lahat ng bagay, tinatanong lagi kung ano ang mga gusto niya, katunayan ay lumipat na rin ito sa condo niya, doon na nakikitulog para lang mas maalagaan siya. Natutulog siya sa bedroom, at ito naman ay sa living room. May kinuha rin itong dalawang babaeng katulong
