DUMATING ang kabuwanan niya, hanggang sa tuluyan nang nanganak sa isang private hospital.
Isang malusog na batang lalaki ang kaniyang matagumpay na nailuwal.
Tuwang-tuwa naman si Theron nang masilayan ang mukha ng anak dahil kamukha raw nito at wala man lang nakuha sa kaniya. Nang silipin niya ang mukha ng kaniyang anak ay totoo nga, malaki ang pagkakahawig nito kay Theron kahit baby pa lang.
At dahil lalaki, pinaubaya na lang niya kay Theron ang pagbibigay ng pangalan. Pinangalanan naman nitong Tyrese. Aangal pa sana siya dahil hindi niya gusto, pero dahil may usapan silang kasunduan ay hinayaan na lang niya at tinanggap na lang kahit labag sa loob niya.
Masaya siya sa totoo lang, lalo na nang masilayan na ang mukha ng kaniyang anak. Pero at the same time ay hindi niya pa rin mapigila
