“NASAAN na si Clyde, honey? Aba’y kanina pa tumatawag si Inay, ah. Wala pa daw doon ang anak natin samantalang kaninang umaga pa ’ka mo umalis sa kampo,” sita ni Dennise sa asawa.
“Walang nakakaalam kung saan siya nagtungo simula nang umalis siya at nagsauli ng tsapa—”
“Ano ’ka mo, Rey?” anong ni Dennise sa asawa.
Hindi na sumagot si Rey sa tanong ng asawa dahil maski siya ay hindi pa rin makapaniwala sa ginawa ng anak.
“Hey, I’m asking you, Reynold James Alcantara De Luna!” malakas na tanong ni Dennise, dahilan para mapatakbo at pumanaog ang panganay nilang anak karga ang isang taong anak. Nagkataon kasing nagbakasyon ang mga ito sa Baguio.
“What’s happening here, Mommy? Aba’y buong pangalan na ni Daddy ang binanggit mo, ah,” takang tanong ni NC.
“Tama ang narinig mo, honey. Nagsau
