“So… ano na ang mga ideas na gusto n’yong i-share ngayon?”
Isa-isa kong tiningnan ang buong team ko. Ang iba ay nakatingin din sa akin, habang ang iba naman ay nakatunghay sa mga notebook sa harapan nila, o di kaya ay sa mga laptop nila. Nakakabinging katahimikan ang namayani sa loob ng mini conference kung saan kami nagmi-meeting ng team.
“Guys?” untag ko sa kanila, pero ganun pa rin ang mga reaksiyon nila, at nagpalit-palitan lang sila ng reaksiyon.
Huminga ako nang malalim. Pagkahatid sa akin ni Aldrtz kahapon sa condo unit ko ay agad akong nagpadala ng group email sa kanilang lahat, para nga sa meeting namin ngayon.
“I sent an email to all of you yesterday. I told you to think, and search ideas for our clilent, Aldrtzh Cabrera. I also told you of the concept. Car racing,” muli k
