Dumating ang araw ng Linggo. Wala naman akong balak magpunta sa birthday ng Lola ni Trish. Bukod sa pakiramdam ko naman ay hindi talaga nila intensiyong papuntahin ako, isa pa ay ayokong magkita kami ni Jett doon. Isa pa, naplano ko na matagal na, na dalawin si Mama sa bahay namin sa San Clemente. Matagal ko na siyang hindi nadadalaw at puro sa telepono lang kami nagkakausap. SIguro ay aayain ko na lang siya na magpunta sa mall at magbonding kami roon.
Tumagilid ako ng higa para abutin ang telepono ko na nasa side table, at saka nag-dial.
Calling Mama…
Nakadalawang tawag ako kay Mama, bago niya sinagot ang tawag ko. Mukhang kagigising lang niya.
[“Athena, ang aga-aga mo namang tatawag.”]
Halata ko ang inis sa boses niya. Binalewala ko na lang iyon. Naisip ko na siguro dahil sa napu
