Julianna
Tuwang-tuwa ang lolo ko noong sabihin ko sa kanya na dalawang linggo ang ilalagi ko rito sa amin nang makalabas na ako sa ospital. Kasama kasi iyon sa naging usapan namin ni Mr. Esquivel.
Hindi ko nga alam kung bakit dalawang linggo lang ang hiniling ko. Hindi pa kasi ako sigurado noon kung papayag siya. Pero kung alam ko lang na mabilis itong sasang-ayon sa gusto ko, ginawa ko nang isang buwan ang pananatili ko rito. O 'di naman kaya'y dito na lamang ako.
Ngayon ko lang na-realize na ang iksi pala ng dalawang linggo kapag lumakad na ang oras.
Sobrang bilis lumipas ng mga araw, na panglimang araw ko na ngayon dito sa bahay na kinalakihan ko.
Maayos na maayos naman na ang kondisyon ko, pero iyong mga pasa ko ay hindi pa nga lang tuluyang naglalaho. Medyo naghilom na rin iyong
