Tatlong linggo na ang lumipas mula nang kumalat ang iskandalosong video kung saan ang mukha ko ang ginamit upang sirain ang aking pagkatao. Isang balak na malinaw na may layuning yurakan ang aking dangal. Subalit hindi iyon nagtagumpay—dahil agad na kumilos si Lucas upang pigilan ang lahat. Sa tulong niya, lumabas ang katotohanan. Ang impostor ko ang nasa likod ng lahat.
Mula noon, tuluyan nang naglaho si Savana. Hanggang ngayon, wala pa ring balita tungkol sa kanya. Marahil ay nagtatago na ito, tinatakasan ang bigat ng kanyang ginawa.
Hawak ko sa aking mga bisig si Luke, ang aking anak, nang lumapit sa akin ang isa sa mga katulong.
“Ibyang, may bisita ka,” aniya, may ngiting bahagyang may halong pananabik.
Wala pa ring nakaaalam sa mga katulong dito ng aking tunay na pagkatao. Sinadya
