Savana’s POV
"s**t!"
Mabilis kong pinaharurot ang sasakyan palayo sa mansyon ng mga magulang ni Lucas. Hindi ako nagtagumpay na makuha ang anak ni Lucas dahil nalaman ng mga katulong na impostor ako.
"Anong gagawin ko?" litong-lito ang isip ko habang pilit iniisip ang susunod na hakbang.
Hindi ko na puwedeng gamitin ang mukhang ito para siraan si Halley. At kapag gumawa pa ako ng gulo gamit ito, tiyak na aarestuhin na ako ng mga pulis.
Kailangan kong mag-isip ng mabuti para makapaghiganti kay Lucas!
Hindi ko na inisip kung nasa bahay si Daddy. Basta’t dumiretso na lang ako sa amin para humingi ng tulong kay Mommy.
Sunod-sunod ang busina ko sa labas ng bakuran para marinig ako ng bantay.
"Ano ba! Buksan n’yo ang gate!" sigaw ko.
Ilang minuto pa ang lumipas bago lumabas ang katulong
