Malakas ang t***k ng puso ni Ley habang binabagtas niya ang hallway.
"Nasaan na ba ang gagong iyon?" Hinihingal na siya sa pinaghalong kaba at bilis ng paglalakad.
"Ley, anong nangyari sayo? Bakit ganyan ang itsura mo?"
Salubong sa kanya ng isang kaklase, pero hindi niya ito pinansin. Wala na siyang oras para sagutin at makipag-usap. Kailangan na niyang mahanap si Seig sa lalong madaling panahon at baka kung ano pa ang gagawin ng lalaki kay Maxine.
Kahit pa sabihin na ayaw na ayaw niya sa lalakeng iyon, pero hindi niya maitatanggi na kilalang-kilala niya si Seig. Alam niya ang ugali niyon at natatakot siya.
Kapit-bahay nila ito at best friend ito ng kanyang kuya Leandro. Kaya naman kahit na ayaw niya dahil sa maangas at bastos nitong ugali, ay hindi niya talaga ito maiiwasan. At n
