5 YEARS LATER
Kaybilis ng panahon, limang taon na agad ang lumipas simula ng iwan siya ni Honey.
“Ganyan ka na lang ba palagi ha?! Pagkaka-uwi ng bahay magpapakalunod sa alak?!” nagulat si Apollo ng may magsalita sa kanyang likuran.
Ang kanya palang lolo, hindi niya alam na nasa bahay pala niya ito. Kararating lang niya galing opisina, pero heto at kaharap na agad niya ang alak.
Nasa terrace siya kung saan paboritong tambayan ni Honey noon.
“Lo, k-kayo po pala. Kakarating nyo lang ba?” medyo nabubulol na tanong niya sa kanyang lolo, tinamaan na agad siya ng alak.
“Kanina pa ako dito, hindi ko lang pinasabi sa kasambahay mo na nandito ako dahil nais kong makita ang mga kalokohan mong ginagawa! Patuloy ka pa rin bang magpapakalunod sa alak? Kung ang kaabalahan mo sa paglaklak ng
