Agad na napakunot ang noo ni Apollo ng mamataan niya na nakabukas ng husto ang gate ng kanilang bahay. Malalim na ang gabi kaya imposible namang gising pa si Honey. At tsaka kahit gising, hindi naman nito iniiwan ng gano'n ang gate ng kanilang bahay.
Lalo naman na ang kanilang mga kasambahay, imposibleng naiwan iyon ng mga ito. Lalo na at batid ng mga itong magagalit siya kapag naiwang nakatiwang-wang ng gano'n ang pinto ng gate.
Kaya naman medyo malayo pa siya, agad niyang inihinto ang kotse para bumaba. Nangangamba kasi siya na baka nalooban na sila at baka kung ano na ang nagyari kay Honey.
Agad niyang tiningnan ang dalawa pang sasakyan na nasa may garahe. Nandoon naman ang mga iyon tsaka ang kanyang bigbike kaya alam niya na walang nawala sa labas.
At tsaka malalaki ang aso niy
